اشكك في غرامه دوم /أنشـف ريقـه ودمـه
تعذب قلبه اوهامـي وانـا ظنونـي تعذبنـي
محال اليوم يمر بدون زعـل لايمكـن اتمـه
غصب اخلق مشاكـل لـه واجننـه ويجننـي
اجي واحوس له جوه وازيـد بهمـه وغمـه
واذا هو اشتكى ابكي واقول انـك ماتفهمنـي
يحاول يبتسـم لكـن يقـول الاه مـن همـه
يقول ارجوك ابي افهم وش المطلوب بس مني
عطيتك قلبي وروحي واحبك واعشقك جمـه
ولاغيرك ابـد انسـان يبعثرنـي ويلملمنـي
تشوف العين ومهما تشوف مكانك باقي بالقمه
وحيده داخل فوادي ومنـك الشـك متعبنـي
دخيلك افهمي حبـي مـاراح اعيـد هالكلمـه
ترى صبري وصل حده ومابه شي يجبرنـي
بان اتحمل جنونك واشوفـك منتـي مهتمـه
باني انبسط وافـرح وقربـك مـو مريحنـي
خفوقي يعشقك وانتي خفوقـك مانظـر يمـه
ذبحني شكك وخوفك ترى طبعك مايعجبنـي
دخيلك وش به مقصر ابـي تقوليـن واتمـه
حلفت الفين ماخونك وقلبـك مـو مصدقنـي
صرخت وقلت بعض جنون مثل ماتشتهي سمه
ولكن قلبي متأكـد واحـس انـك ماتعشقنـي
ويوم ان هلت دموعي بدى يمسحهـن بكمـه
وقال الحين ابي اسال وابي قلبـك يجاوبنـي
اخذ راسي الى قلبـه وقـال ابـي بهالضمـه
تسمّـع دقـة الخفـاق وماتلـقـاه علمـنـي
وقمت اسمع انا احبـك وهـو ماقالهـا بفمـه
وعينه تحكـي الاحسـاس اكلمهـا وتكلمنـي
ورحت ابكي على صدره وقال الحين بالذمه :
لو اني ماعشقك شاللي على هبالك يصبرني ؟
[color="SeaGreen"]منقــــولـــهـ ..
صـح لســـآن اللـي قـآيلهــآ ونــآقلهــآ
^_^
السبت 17 مايو - 15:25
